【裝修小學堂】正確的浴室防水層

正確的浴室防水層

正確的浴室防水層大家知唔知係咩?相信大家都知道廁所係全屋接觸水最多嘅地方。如果防水層施工做唔好,就會有滲漏情況出現,它們輕則令家中牆身及地板發霉,更嚴重會令鋼筋生銹、石屎剝落,若漏到下層就要賠償,問題不容忽視。而防水不只是貼幾片瓷磚那麼簡單,更需要做好局部局外防水。

所以在裝修時廁所嘅防水十分緊要,但係到底廁所和企/浴缸牆身的防水層要做幾高?答案就係通常企/浴缸牆身位置防水層的高度都係做1m/1.5m/1.8m/全高,而其他牆身的防水要做到起碼30CM高。

今日就等小編教下大家如何裝修好屋企嘅浴室。

首先,先將原有瓦仔拆走,拆除至見底﹔

第二步,畫出浴室的水喉位,打出水喉坑,安裝好水喉﹔

第三步,批英泥,封好水喉位,將地面清理乾淨,用聚氨酯(PU材料)防水塗料反復塗刷2至3次﹔

第四步,於牆身1.8m高度由頂至底掃上防水塗料,於底部、側面及牆角使用不織布及玻璃纖維加強防水,有時客人要求直接做到天花板以防萬一,而其他牆身的30CM或以下掃上防漏油,如果是非承重的輕體牆,就要將整個牆身做防水﹔

第五步,使用水平儀器測量,注意企缸洩水坡度﹔

第六步,舖設新的磁磚。

24831 [轉換]-01.jpg

工程後記得要做測試!工程做好後要做淋浴空間積水測試,於牆面不斷噴水5分鐘,接著從另一面的牆面看看是否有滲水及濕氣﹔而企缸位置則做防漏測試,封好門口及下水口,在廁所地面蓄滿水達到一定高度,並做上記號,8至24小時若無明顯下降,防水就合格。

雖然防水塗料好重要,但係並唔係油得多油得厚就係好,太厚反而會令到磁磚唔可以癡實係上面,最重要都係睇師傅手工!

相關影片

相關文章

【裝修小學堂】設計公司VS工程公司(工程篇)

【裝修小學堂】裝修報價單會包含的項目

 

點擊瀏覽更多裝修攻略資訊