座廁咀點樣分？

家中必要不可缺的潔具一定係就廁所啦！大家買座廁時可能都會比潔具公司問過屋企係用高咀定地去水架啦，咁到底呢D係咩黎呢？其實香港最常見嘅座廁咀有自由咀丶高咀同地去水，比較少見既就係低咀。

高咀係指座廁嘅去水位的中位，離地１８０ｍｍ（６吋）左右。香港現時大部份樓宇設計都係高咀，但現時接駁座廁嘅出水位係可以用一種名為風琴喉嘅物料，所以就算原有大廈去水位係低位，都係可以用高咀座廁。

低咀是指座廁嘅去水位的中位，離地１００ｍｍ（４吋）左右。舊式大廈去水位比較多為低咀式設計但現時市面上低咀座廁嘅款式唔多，如果買咗低咀座廁而去裝一個高去水嘅去水喉既時侯師傅一般都會用風琴喉去接駁自由咀座廁。

地去水係指大廈嘅大喉位置唔係牆身，而係地下， 地去水又分兩大類，分別係大廈大喉位嘅入口位置，離牆９吋，或者是１１吋。

而最後自由咀係座廁出水位向內縮入咗，因此有足夠空間俾師傅駁長去水喉來接駁大廈嘅大喉位，所以高論是高去水，低去水，甚至是地去水，自由咀都可以應用到。