座廁沖水方式

睇完座廁既既外觀之後當然要睇埋佢嘅沖水方式啦：當中分為直沖式丶虹吸式、雙旋渦式，咁知唔知邊種會沖得更乾淨呢？

直沖式座廁係香港最常見嘅款式，係利用水嘅沖力直接將排洩物沖走。裡面排污管形狀有點似「 P 」字型，彎曲度細而排污口徑大，所以 淤塞嘅機率會相對細。 雖然直沖式沖起水來比較嘈，且會有水花濺起，但好處係設計上比較細隻，佔用空間會比較少。用水量一般只要 6L 左右，屬於比較省水。

虹吸式座廁係中國同台灣成日見。特點係比較長同多數都係地去水，因為裡面嘅排污管係「

S 」型，彎曲位多，所以馬桶體積相對較大。係沖水時會先積少少水，填滿大部分馬桶內嘅排污管，做成壓力差而產生虹吸現象，吸走排洩物。所以耗水量較大，用到成 7.5~9L 。

雙旋渦式係新式既沖水技術，特點係利用兩個側面出水嘴取代以往小孔出水，集中水力凝成漩渦水流去沖走排洩物。雖然用水量少，大約只要 4L 但都有好強既沖水力！由於水流以旋轉模式覆蓋更多馬桶兜面積，可以將排洩物沖走之餘同時洗返乾淨個兜。無左小孔都易左清潔，減少水垢積聚。

另外其實陶瓷表面都係其中一個沖得乾唔乾淨嘅關鍵元素。所以有好既陶瓷物料再加上好既沖水技術，沖得乾淨之餘又慳水，仲可以抑制水漬積聚，令日常清潔變得更輕鬆添。