磁磚附加費用

一般的裝修公司都唔會包買磁磚的價錢，所以大多數的裝修公司都會推介客人自己到旺角或者其他地方買磚，但係買磚係一筆基本的費用，仲有額外的掃口粉磁磚的運輸費用都要客人自己負責的。 在鋪磚部分，一般的裝修師傅都會包磁磚係1尺x2尺/1尺X1尺內，這個尺寸內都不需要客人額外付費用，因為過大的磚會需要兩位或以上的師傅搬動及鋪砌，需要工作的師傅多了就需要額外收費。而較大的磚需要預多一些損耗。 仲有部分形狀比較特別例如六角形磚，梯形，三角形磚等，因為都需要師傅自己排位比較難做的，所以裝修時要記得問清楚裝修公司，每一間公司都會有唔同的價錢同包既尺寸都有所不同。 而牆身磚同地磚做法有D唔一樣，因為分高溫磚同低溫磚，而有一部分牆身磚就係低溫磚，低溫磚需要浸水，浸大約數小時浸飽滿水先可以鋪砌上牆身，如果唔係就會有空心磚出現，而高溫磚就唔需要額外浸水。但依家好多磚鋪都係賣高溫磚比客人直接鋪低台同牆身，其實沒有分別的。