【磚登俾您知 】第一件磚同木紋磚點樣鋪？

第一件磚同木紋磚點樣鋪？

有好多人都會疑惑咩係第一件磚，大家都聽得多但係未必真係會知道，其實第一件磚係冇一定準則，比較多的師傅都係會選擇係以入門口第一眼會見到既位置，師傅覺得一望就覺得最好既位置，就會係做第一件完整磚既地方，但係如果客人有需要指定就應該事先同裝修師傅。

但係因為只要定左第一件磚就冇的臨時更改，因為之後既磚係環環緊扣的，只要跟左第一件磚鋪之後既磚算對唔齊牆角位都要繼續鋪，所以係鋪磚前一定要同裝修公司夾清楚，避免有任何紛爭。

可能有人會問咁木紋磚要點樣鋪，其實木紋磚大多都係直鋪同橫鋪有小部分都會斜鋪，但斜鋪的就比較多繁複的工作及損耗會比較大，所以要斜鋪木紋磚的要事先跟裝修公司溝通及在買磚時多買一些磚做損耗。而選擇上唔好選擇太短或者太長既木紋磚，太短會顯得磚太密密麻麻唔好睇，太長會令原本唔大既屋企更加細，而太長既磚會需要兩個師傅進行工作，就需要額外既附加費用。