裝修簽約後，你要注意的13個裝修事項

1. 要多同裝修公司多溝通

裝修途中遇到有問題、唔明白圖紙內容或者圖紙內容有出入嘅情況之下（如地台瓦仔顔色有深淺），盡量通知裝修公司或負責嘅師傅，可用Whatsapp 先簡單提問并請對方於當日或翌日以whatsapp 或電話溝通。溝通完成後最好梗係系Whatsapp 留低返協議好嘅內容并再次相互確定，日後亦可作參考之用。

2. 所有決定要在WhatsApp白紙黑字寫清楚

如有任何改動或你與裝修公司、師傅商議好並落實嘅項目，可於Whatsapp 上註明；包括以下內容：項目名稱、面積、施工方法、施工時間、價格、是否包括材料或人工等等。即使對方答應過免工費安裝（燈飾）或贈送物品都應於Whatsapp 中例明並確認。

3. 所有後加項目要裝修公司報價後，才作決定並簽紙作實

任何VO（額外增加工程）都需向裝修公司、師傅確認好單價、工期、人工費等等；並應該收到對方以書面或Whatsapp 確認後嘅價格，然後再回覆對方是否施工，切忌心急衝動或大家“拍心口”。

4. 客戶考慮所選物料或者顏色比較耐，有可能令工程延遲，需及時和裝修公司了解和接受工程延遲的機會

如閣下選擇嘅裝修材料涉及海、陸、空訂貨的情况。請有心理準備工期會有機會因此問題而延誤，訂料前務必與裝修公司、材料商鋪了解清楚該段時期嘅運輸情況及運輸費用，避免缺乏溝通及了解引致工期出現不可預見的情况而延誤。

5. 客人可以在工程期間，進入單位視察進度，但要小心單位上擺放地面的裝修工具，以免受傷

户主於施工期間進入施工單位進行視察時應避免傍晚或晚上，因施工單位未必及時接上照明系統，亦有可能電線屬於臨時接駁；於光線不足情況下進入施工單位會構成危險。即使白天日光充足的情况下亦要小心施工單位的天花、墻身同地面；可能有剛接駁上嘅來水銅喉、或者油漆師傅剛批上墻灰、甚至乎臨時支撐嘅家具。

6. 注意第三者保險受保時間，作出適當的續期申請

户主亦需留意施工期與第三者保險的受保期限。如遇工期延長嘅情況，咁你就需要向裝修公司或師傅了解并為施工單位嘅第三者保險作出適當嘅續保申請。

7. 平台一般安排的裝修公司，不會提供磚瓦及潔具龍頭，特別提示，除了燈飾(請不要淘寶買內地龍頭和潔具)

裝修公司或裝修師傅一般只會包一些基礎材料，如：英泥、沙、墻身灰、玻璃膠等。并不包含墻身瓷磚、地台瓷磚、墻腳線、油漆、全屋潔具（龍頭、洗手盤或馬桶）、燈飾等。所以落單前一定要咨詢清楚裝修公司或師傅，可以請佢地俾出專業嘅意見同解答，然後一同前往挑選。咁樣可以避免選擇困難或其他因素引致施工困難或與裝修效果事與願違

8. 清拆後發現鋼筋生秀，一般都需要額外加錢修復

戶主於清拆前或清拆途中請留意一下廚房或浴室洗手間嘅天花有否出現石屎剝落或嚴重爆裂嘅情況。如有此情況，請即聯絡裝修公司、師傅說明，因為石屎剝落嘅情況引致複雜嘅修復過程；包括鋼筋鏽蝕、石屎爆裂、鋼筋打磨去銹、塗抹鋼筋專用防鏽蝕油、不收縮英泥填補等等。因此工程並非包含於裝修清單中，所以戶主一定要與裝修公司、師傅溝通清楚價格、工期及施工方案。

9. 裝修保護

戶主可指定裝修期間單位內嘅保護物料，如：中空板、纖維板、3分木夾板等，什致到要落幾多層保護。當然，越多及越高級嘅保護材料肯定會引致更高昴嘅收費，所以戶主因應裝修工程多少及單位內保留家具嘅價值而去衡量用邊種保護物料。

10. 傢私運輸花左? 唔見光唔會做?

裝修到後半部份，家具開始進場。戶主有可能發覺家具某些飾面或完成面出現花痕，刮痕或甩油現象。呢句時候請稍安勿躁，一般家具運送都會十分仔細小心，尤其是見光面（飾面）。而背板，背靠牆面的表面一般保護性較低，而且運輸途中，背板亦會背貼貨車箱體，少不免有些許刮損。在沒有影響結構性及安全性的情況下，非見光面（背板）容許少量刮蹭痕跡。但見光面，見光邊角就唔容許啦。所以家具有任何問題時，請向裝修公司或負責師傅先查詢清楚，然後再協商解決方案。

11. 普通清潔

一般單位完成施工準備交吉前，裝修公司會有一定程度嘅清潔，如：清理家具碎屑、家具包裝紙及保護套、鋁窗保護貼、家具內外輕度清潔、浴室㕑房牆身及地台瓦仔表面清潔。如果戶主對交吉清潔有一定要求的話，當中可能需要自行另請專業嘅家居清潔公司進行裝修開荒清潔。

12. 提裝修公司試水/防水

浴室或廚房需要做防水施工以免污水滲漏到下層單位。戶主可查詢裝修公司或師傅于防水層施工完成後續進行防水驗收（砸水）開始時間並到單位觀察，然後於翌日同樣時間到單位（砸水）位置下方嘅天花觀察有冇滲漏痕跡，亦可觀察水位有冇大幅度下降。水位大幅度下降或滲漏痕跡表示防水層施工未如理想，需要返工重做防水層。

13. 鋁槍標準

鋁窗材料有分厚料、薄料。一般有38、40、45、50、55料。呢度指mm。戶主可向裝修公司查詢自己單位嘅鋁窗用料。在此提醒，並不是料越厚越好。如果窗戶嘅座向比較大風，例如係向海或者高層，建議使用厚料如45料，50料。順便提提大家，現時好多大廈對業主更換鋁窗係有特定要求，所以進行裝修工程之前，記得先詢問大廈管理處。