直擊公屋裝修 兩大裝修甩轆位

【直擊公屋裝修】笑到有腹肌！兩大裝修甩轆位

不少人都會選擇一條龍的「公屋裝修套餐」，由專業人士打理全屋裝修工程。戶主只需要選好合意的工料、傢俱就可，省卻不少繁瑣步驟。公屋裝修套餐一般都是按照實呎來計算價錢，套餐 裝修價錢 相對較便宜。

公屋裝修黎講，無超支、無延誤、望落靚靚仔仔、仲有啲啲似私樓，所以11萬銀聽落都幾抵，業主都畀到到八分，算高分。不過，裝修難十全十美，今次就因為啲細節同用料瑕疵，就無咗果兩分。

響間屋四圍游走，望真啲、拉吓櫃、摸兩摸，會見到油漆明顯油歪咗些少、收口位唧膠唔夠靚仔，距離新地、太古一類高質私樓收樓標準有幾分距離。

整體黎講，間屋有兩個比較大嘅粗心大意或者唔貼心。

第一，地台床尾、細窗側邊有個凹位，安裝咗一組組合櫃。回帶到六月中，裝修師傅上到間屋，指住個凹位話，「呢啲電掣(穿)過返個櫃出黎，畀你部電視機用。」

去到八月初入伙當日，個組合櫃下邊有塊櫃門畀塊電視層板檔住咗，變咗一塊開唔到嘅櫃門，變咗電線過唔到。最終裝修公司響櫃門度開窿穿線出黎，咁電視機先有電用，但個櫃門始終開唔到。

第二，地台床頭板，前邊裝咗三塊軟墊，不過一拉隔離個趟櫃出黎，個櫃角會磨到塊軟墊，發出「滋滋」聲，所以住戶一定要先扯開塊軟墊，再拉出趟櫃。如果體貼啲，將床頭板磨返薄啲，就唔會出現呢個問題。

組合櫃其中一隻櫃門被電視                                                        最終裝修公司將櫃                                                                        冷氣機喉管經過睡房穿出客飯廳，

層板阻檔，無法正常開啟。                                                         門開窿走電線。                                                                            油漆油啲唔油啲，略嫌礙眼。

原文連結: http://hk.apple.nextmedia.com/realtime/finance/20160930/55711135

(以上圖片均來自網路，如有任何版權問題，請與本站聯絡)